23-Sep-2023 مزاحیہ شاعری
ہم بھی تھے مالا مال ابھی کل کی بات ہے
سر پر تھے اپنے بال ابھی کل کی بات ہے
وہ لوگ با کمال سمجھنے لگے ہمیں
کہتے تھے بے کمال ابھی کل کی بات ہے
شادی نے دُم کو کتّے کی سیدھا بنا دیا
ٹیڑھی تھی اپنی چال ابھی کل کی بات ہے
جب سے رکی ہے پینشن لیتا نہیں خبر
رکھتے تھے سب خیال ابھی کل کی بات ہے
آتے ہی اقتدار میں سب بن گئے رئیس
لیڈر تھے یہ کنگال ابھی کل کی بات ہے
حالانکہ آج پچکے ٹماٹر کی طرح ہیں
تھے سیب جیسے گال ابھی کل کی بات ہے
بچے ہمارے آج ہمارے بھی باپ ہیں
ہم بھی تھے بے مثال ابھی کل کی بات ہے
اب تو مشاعروں کا وہ سب سے بڑا ہے نام
شاعر تھا یہ قواّل ابھی کل کی بات ہے
Sarita Shrivastava "Shri"
24-Sep-2023 07:40 AM
بہت کھوب
Reply
Khadija aga
23-Sep-2023 01:52 PM
وااہ کمال کے اشعار
Reply